Planeta Softastur

Ta pa Ponga: Lo qu’Ubuntu-y da a la llingua

2010-03-11T18:05:34+00:00

Compártilu

Ta pa Ponga: Sé’l creador de la to propia Distro

2010-03-07T23:56:15+00:00

Atentos:

Facer un Sistema Operativu: 1.000 persones, 8-10 años

Traducir esi Sistema Operativu: 50 persones, 5 años

Preparar, traducir ya implementar Openoffice: 10 persones, 2 años

Facer la to distro personal: 1 persona , 1 tarde y 1 café !!!

Estes son dalgunes de les bondaes del software llibre. Como’l códigu ye llibre, yes llibre de facer col códigu lo que quieras. Y entre eses coses, tán, por exemplu, facer la to propia distribución.

“¿Quier dicir eso que puedo facer el mio Sistema Operativu?”

Non, .. pa eso, necesitaríes 1.000 persones y 8 – 10 años.. Lo que quier dicir esto, ye que puedes personalizar el to Sistema Operativu, instalando los programes que quieras, poniéndo-y los colores que quieras, los temes, el nome que quieras.. etc y distribuyilu ente los tos collacios. Y nun te fai falta saber de programación. Un bon exemplu son les distros personalizaes qu’esisten, como la satánica o cristiana.

Ye divertío, ye cosa de una tarde. Y depréndense dalgunes coses.

En Softastur, va tiempu qu’usamos la nuesa propia distro. Llámase GNUberu y usámosla sobro tou pal desendolcu de los nuesos proyeutos, ye perútil, y afórranos munchu trabayu. GNUberu ñació allá pel añu 2007, y nun ta de más que sepáis cómo se fai, pa que faigáis la vuesa distro.

GNUberu... qué recuerdos!

exemplu de pantalla de login de Softastur

El nome ye lo de menos, SidriX, UvieuX, AxturieX, Xporting, hai miles de distros, y toes distintes… lo importante ye que la faes nun plis-plás.

¿Qué necesitamos? Pues nada, un programín cenciellu, y ganes.

Esisten munchísimos programes que van aidate a facer la to distro: Remastersys, UCK, Reconstructor… Por simplicidá, recomiéndovos Reconstructor que ye una web que lo fai too automáticamente (incluso dende Windows xD):

https://build.reconstructor.org

Ye namás siguir los pasos:

Criamos y dámos-y un nome al nuesu proyeutu, por exemplu: GNUberu, y decímos-y en qué va a basase la nuesa distro (Ubuntu ó Debian, Si queremos un LiveCD, o una imaxe de discu, l’entornu d’escritoriu: Gnome, KDE, Xfce):

Por defeutu llevará los mesmos programes qu’Ubuntu, si queremos amestar o desaniciar programes (nomaos paquetes) especificamoslo en “Packages”, por exemplu amestamos el restolador web epiphany:

Agora ya tenemos la nuestra distro, sólo queda personalizala, pa ello usamos los “Modules”, con estos módulos podemos poner el fondu que queramos, la páxina d’aniciu de Firefox que queramos, l’animación del entamu que queramos… too ello perfácil:

Y a correr!! El programa xenerará una imaxe .iso calcando en “Build” nunos 15 minutos:

que namás tendremos que baxala y grabala nún CD. ¡¡Y yá ta fecho !!

¿Tiempu total? Una hora o dos (y un café )

Ye así como se fai una distro. Básicamente, el trabayu más duru ye escoyer unos temes guapos. ¿Qué pensábeis que yera? Acabáronse los tiempos de xente con barba programando hores y hores…. Linux fai munchos años que yá nun ye así. Según-y vayáis pillando’l tranquillo, podéis dir amestando ésti o aquel programa… ye custión de tiempu “optimizar” la distro

Eso sí… enxamás uséis una distro que nun seya oficial (Ubuntu, Debian, Fedora, OpenSuse ) nel vuesu PC direutamente. Meyor usái una máquina virtual o en mou Live. Les distros caseres nun tienen una comunidá de millones de persones que les testeen y revisen, ni una gran empresa como Red Hat, Mandriva o Canonical qu’invierta en desendolcu ya innovación. Tampoco sabremos si un autor con males intenciones introduz malware o spyware. Asi que cuidadín.

Compártilu

Ta pa Ponga: El Corte Inglés vende sobremeses con Ubuntu

2010-03-06T19:48:14+00:00

Bono, esta noticia ye perinteresante, ya que’l mayor (pa dalgunos tamién el meyor en calidá) distribuidor d’España: El Corte Inglés, ta vendiendo un de los meyores ordenadores calidá/preciu: eMachines EL1200 con Ubuntu preinstaláu.

Si quies mercar un ordenador, esta ye una perbona opción ya qu’aforrarás problemes a un preciu perbonu (229€) Esti ordenador conozolu personalmente, ye pequeñu, más silenciosu qu’un portátil y ¡vuela!

¿Y tú? ¿Sabes más sitios onde vendan Ubuntu preinstaláu? (Cerca d’Asturies ḥeḥe )

Compártilu

Ta pa Ponga: Nuevu tema pa Ubuntu 10.04

2010-03-05T16:35:25+00:00

Acaben de sorprender a tol mundu espublizando un tema completamente remocicáu pa la futura versión d’Ubuntu 10.04, que saldrá’l prósimu mes (Aclarar que tovía lu retocarán un poco más, pero basaránse nos colores berenxena (empresa) y naranxa (comunidá) nel tema d’Ubuntu).

Ya lu podemos esfrutar nel alpha 3 de Lucid Déxovos la captura (calca n’ella pa vela grande)

Y equí dalgunos detalles:

Compártilu

Asturian weird foundation: Y si Fernando Alonso fuera anorgásmicu?

2010-02-27T15:48:51+00:00

Si hai dalgún inxenieru perhí, igual podíen aplicar esi esquema pa la entrada d’Asturies na F-1, na Fuck One que vien de cellebrar el Gran Premiu de Xapón. Esti vehículu, de diseñu xaponés, tien el aquél de ser sostenible, pues funciona cola enerxía orgásmica, que ye renovable y, polo xeneral, dexa poco residuu y fácilmente biodegradable.

La competición, de la que supimos gracies al inestimable blogue d’Inner el Pendejo, ye tou un acontecimientu non sólo teunolóxicu, tamién deportivu. La cuestión ye que, pel momentu, paez que hai pocos homes con traces de participar nuna carrera na que se cuerre más, contra más se cuerre ún, y n’eso tienen munches más habilidaes les competidores de la Fuck-1, Grand Prix de Xapón. Maria Ozawa, la Fernando Alonso d’esta modalidá, vien d’amosar d’esta mena la so versatilidá deportiva.

Si vos peta, podéis baxaros el documental sobre la nacencia d’esta modalidá deportiva en llínia:

Parte 1…. Parte 2….. Parte 3…. y Parte 4.

Compártilu

Ta pa Ponga: Un añu d’estadístiques: 23.743 visites

2010-02-25T18:20:59+00:00

Cuando entamamos esti blogue nun teníemos estadístiques. Pudimos meteles dende’l 25 de febreru del 2009, ye dicir, fae 1 añu

Tamos orgullosos del resultáu, y vamos analizar los puntos más importantes:

Total visites: Namás y na menos que 23.743 visites nun añu, que vieron 38.896 páxines Incluyendo 2 picos del efeutu meneame.

Sistema Operativu: GNU/Linux usóse nel 43,72% de les visites, siendo’l más usáu Windows con un 51,44%.

Restolador web: Firefox (incluye la llingua asturiana) arrasa con un 69,15%.

Llingua del restolador: El 19,78% de les visites usó un restolador n’asturianu (Firefox, Epiphany, Arora), siendo lo dominante un restolador en castellanu.

Orixe de les visites: Google ye’l guetador que más s’usó pa llegar al blogue, y de sitios de referencia Asturies.com mui perdelantre d’otros cómo meneame.

Y a ti, que tas mirando esto agora mesmo, gracies por lleenos

Compártilu

Ubuntu N'ASTurianu: L'ordenador n'asturianu

Marquinos — 2010-02-25T07:21:33+00:00

Movímonos a http://softastur.org ;) ¡Yes bienveníu/a!

Les posibilidaes que tienes anguaño son:

Ubuntu: Ye un sistema operativu completu que te permite facer cualesquier de les xeres más comunes con un ordenador. Dende escribir una carta, a falar colos tos collacios, sentir música, restolar per internet, retocar semeyes, editar video... y completamente n'asturianu ;) Les sos ventaxes son munches: Nun tien virus, seguru, estable, rápidu, cenciellu, llibre, efeutos d'escritoriu ablucantes, de baldre, col sofitu de la mayor comunidá... y puedes caltener xuntos Ubuntu y Windows o Mac :) Puedes baxalu o pedir un CD de baldre.
OpenOffice.org: Esfruta de la meyor suite ofimática llibre n'asturianu.
Softastur: Coleutivu que torna software llibre n'asturianu. Puedes tar al tantu d'anuncies nueves n'Identi.ca o Twitter.
Tapaponga: Blogue tecnolóxicu.
¿Qué ye Linux?
¿Qué ye'l Software Llibre?

Pa cualisquier dulda contauta con nós :)

Ubuntu N'ASTurianu: L'ordenador n'asturianu

Marquinos — 2010-02-24T07:38:00+00:00

Movímonos a http://softastur.org ;) ¡Yes bienveníu/a!

Les posibilidaes que tienes angüaño son:

Ubuntu: Ye un sistema operativu completu que te permite facer cualesquier de les xeres más comunes con un ordenador. Dende escribir una carta, a falar colos tos collacios, sentir música, restolar per internet, retocar semeyes, editar video... y completamente n'asturianu ;) Les sos ventaxes son munches: Nun tien virus, seguru, estable, rápidu, cenciellu, llibre, efeutos d'escritoriu ablucantes, de baldre, col sofitu de la mayor comunidá... y puedes caltener xuntos Ubuntu y Windows o Mac :) Puedes baxalu o pedir un CD de baldre.
OpenOffice.org: Esfruta de la meyor suite ofimática llibre n'asturianu.
Softastur: Coleutivu que torna software llibre n'asturianu. Puedes tar al tantu d'anuncies nueves n'Identi.ca o Twitter.
Tapaponga: Blogue tecnolóxicu.
¿Qué ye Linux?
¿Qué ye'l Software Llibre?

Pa cualisquier dulda contauta con nós :)

Ubuntu N'ASTurianu: GNU/Linux

Marquinos — 2010-02-23T08:23:58+00:00

GNU/Linux, o cenciellamente Linux, ye una alternativa a Microsoft Windows. Ye fácil d'usar y da-y más llibertá a los sos usuarios. Cualesquiera puede instalalu: Linux ye llibre, y arriendes aveza a obtenese de baldre.
Deprende más equí sobre qué ye GNU/Linux :)

Ubuntu N'ASTurianu: Software Llibre

Marquinos — 2010-02-23T08:23:42+00:00

Ye software que puede emplegase, copiase, estudiase, camudase y redistribuyise llegalmente ensin restricciones. Estes llibertaes choquen dafechu col Software Propietariu o tamién conocíu como Software Privativu, nos que se priva a los usuarios de llibertaes básiques. Una vegada alquiríu'l software, sigui ensin ser tuyu. Nun tienes drechos sobro él, la llicencia que pagues, namás te permite'l so usu, y con restricciones bien fuertes: Imaxina que merques un coche, y la llicencia diz que puedes usalu, pero nun puedes tintar les llunes, o instalar un manos llibres sacantes que seya de la marca X, o emprestalu a un collaciu...
El Software Llibre sí te lo permite. Ta fechu por programadores que ponen el códigu a la to disposición y de la Comunidá. Nun ye restrictivu. Ye camudable, moldeable y axustable a les tos necesidaes. Ye tuyu dende'l primer día, y les posibilidaes qu'ufre son infinites.
Esa capacidá de lleer y camudar llegalmente'l códigu fonte de los programes permite adautar esi software polos y pa los propios usuarios, dende'l so aspeutu y funcionalidá, o como nel casu que nos interesa: la llingua.

Ubuntu N'ASTurianu: Softastur

Marquinos — 2010-02-23T08:15:45+00:00

¿Qué ye Softastur? Softastur ye una comunidá virtual enfotada en tornar Software Llibre al asturianu, promoviendo y sofitando'l so usu en tolos ámbitos de la sociedá.
Xunimos esfuercios y coordinamos los proyeutos, apurriendo aida y sofitu téunicu.
Tamos abiertos a toles persones que quieran collaborar col proyeutu. Si quies aidar, contauta con nós, ye perfácil.

Ubuntu N'ASTurianu: Tapaponga

Marquinos — 2010-02-23T08:14:29+00:00

Ye un blogue onde tar al día de les anuncies sobre Software Llibre n'asturianu.
Visitalu equí.

Ubuntu N'ASTurianu: Tornar Ubuntu

Marquinos — 2010-02-23T07:45:27+00:00

Muncha xente tien miéu de tornar Ubuntu, camentando que ye díficil, complicao o que nun sabe inglés. ¡Tornar Ubuntu ye perfácil! ;) Nun ye díficil, ni complicao ni fae falta saber inglés.

Tener un sistema operativu n’asturianu ye sólo cuestión de voluntá de los sos falantes. Y la comunidá asturiana cada vegada demanda y puxa más pol software llibre n’asturianu. ¿Quies echanos un gabitu?

Ubuntu ufrénos una web percenciella onde poder tornar dende cualisquier llingua al asturianu, y dende cualquier sistema operativu, tanto Ubuntu, Windows, Mac… ¡Sólo necesites un restolador web!

Ye perimportante aclarate que naide obliga a tornar X frases, ni tienes un tiempu pa facer X frases: Puedes tornar dende 1 frase fasta les que quieras, nel momentu que quieras ;)
Softastur existe pa coordinar estes tornes, pa saber cuales son prioritaries.

Dexámosvos un manual en PDF nel que desplicámoste lo percenciello que ye tornar, dixebráu en 2 partes: L’alta del usuariu y como faeríes pa tornar nel día a día. Pa baxalu calca nel iconu d’embaxo o equí.

¡Animate! ¡Necesitamos del to sofitu! Cuantos más seamos más calidá de tornes y enantes finaremos Ubuntu dafechu :D

Ta pa Ponga: Charra Pachín de Melás: Software llibre

2010-02-23T07:00:35+00:00

Güei martes, 23 de febreru del 2010, dende les 20:30 hores, la Tertulia Cultural Pachín de Melás charrará del Software Llibre na cervecería Astuera

Los ponentes serán:

Xabel García Pañeda: Departamentu d’Informática de la Universidá d’Uviéu
Xandru Armesto: Mayestru y miembru de Softastur.
Daniel Vicente y Arsenio Coto: Desendolcadores del traductor Eslema.

Más información equí.

Compártilu

Ta pa Ponga: Escoyer plataforma pa criar un blogue n’asturianu

2010-02-22T17:50:18+00:00

Na charra del 2ᵁ Sidra&Blogues tratose les posibilidaes pa criar un blogue la xente asturiano. Como la presentación queda poco esplicada, detallo equí cada pasu Si tienes dalguna dulda, a los comentarios.

Facilidá:

Blogger: Criar un blogue ye perfácil, poco más qu’escoyer el so nome.

Nireblog: Igual que Blogger.

Wordpress.com: Igual que Blogger.

Wordpress.org: A parte de tener munches más opciones, ye necesario tener conocimientos mínimos pa instalalo nel nuestro sirvidor.

Agospiamientu:

Blogger: Ta incluyíu.

Nireblog: Ta incluyíu.

Wordpress.com: Ta incluyíu.

Wordpress.org: Tienes que pagalu tú, xunto al dominiu. Debe incluyir sofitu pa PHP y base de datos. Esti tema ye importante, porque podríes tener que facer frente a efeutos Meneame, pero a cambio date’l control total del TO blogue.

Migración:

Blogger: Son mui poques les posibilidaes d’esportación y ensin esportación.

Nireblog: Igual que Blogger.

Wordpress.com: Ensin importación/esportación.

Wordpress.org: Por tener que facete tú cargo del agospiamientu, les opciones son másimes: puedes importar y esportar tanto la base de datos, temes, conteníos, artículos…

N’asturianu:

Blogger: Nun hai posibilidá.

Nireblog: Incluyíu y sofitu completu.

Wordpress.com: Incluyíu, pero ta ensin tornar. Si quies collaborar pa que Wordpress.com te n’asturianu puedes facelo equí (necesites rexistrate en Wordpress.com y el sistema ye fácil).

Wordpress.org: Incluyíu y sofitáu gracies a les tornes de la comunidá en Launchpad, queda una migaya por tornar, si t’animes a finalo ye perfácil nesti casu pa Wordpress en llugar de pa Ubuntu.

Temes:

Blogger: Los que lleva por defeuto, y son personalizables.

Nireblog: Lleva un poco menos que Blogger, nun son personalizables.

Wordpress.com: Lleva más que Blogger y son personalizables incluso la plantilla CSS.

Wordpress.org: Tienes la mayor ufierta de temes de baldre. El control ye total sobre ellos, y como los agospies nel to sirvidor, puedes camudalos y axustalos a les tos necesidaes cómo quieras.

Control/Configuración:

Blogger: Ye bastante configurable.

Nireblog: Un poco menos que Blogger.

Wordpress.com: Ye mui configurable.

Wordpress.org: Ye totalmente configurable. Pol mesmu motivu de tener tú’l control del sirvidor, puedes camudar lo que quieras.

Llicencia del software:

Blogger: Privativu.

Nireblog: Privativu.

Wordpress.com: Ye un fork de Wordpress.org meyoráu, polo que tamién tien llicencia llibre, pero adaptáu a los sos sirvidores.

Wordpress.org: Ye totalmente llibre y preparáu pa una instalación perfácil en cualisquier sirvidor.

Complementos:

Blogger: Tien dellos complementos.

Nireblog: Tien menos que Blogger.

Wordpress.com: Tien dellos complementos, más que Blogger.

Wordpress.org: Total llibertá pa baxar ún de los mienta qu’hai pela rede, o criar el tuyo propiu.

Multiusuariu:

Blogger: Sofitu básicu.

Nireblog: Nun tien.

Wordpress.com: Tien sofitu pa varios usuarios.

Wordpress.org: Tien posibilidaes abondes de cientos d’usuarios.

Publicidá:

Blogger: Adsense.

Nireblog: Nun puedes poner publicidá.

Wordpress.com: Nun puedes poner publicidá

Wordpress.org: Puedes poner lo que quieras, el blogue ye realmente tuyu.

Resumiendo esti pequeñu análisis, hai que facer incapié en qu’esto ye software y hai empreses mui importantes (Blogger pertenez a Google) detras nun mercáu qu’evoluciona mui rápido, polo que güei un puede sobresalir un y mañana sobresalir otru.

Realmente la opción clara pa la xente asturiano ye Nireblog y Wordpress.org (queda-y poco, collabora pa finalo ) por tar tornaos (Wordpress.com necesita que se torne al asturianu equí), pero pa gustos colores, polo qu’habrá xente que prefiera la falicidá de Nireblog o prefiera la personalización de Wordpress, o tar col renome d’una compañía como Google.

Tamién tien importancia que Blogger y Nireblog meten una pequeña publicidá en forma de marcu no cimero de la web.

Pa poner en marcha cada blogue puedes equí:

Blogger
Nireblog
Wordpress.com
Altuxa ufre criar un blogue con Wordpress.org, en casu de que nun quieras deberás baxar el códigu de wordpress.org ya instalalu nun sirvidor propiu.

Si quies saber más, equí tienes les referencies nes que me basé:

Referencies:
http://en.support.wordpress.com/com-vs-org
http://weblogs.about.com/od/choosingabloghost/p/WordpressOvrvw.htm
http://wwwhatsnew.com/2007/04/05/nireblog-plataforma-para-escribir-blogs-en-50-idiomas
http://betamagazine.com/diferencias-entre-wordpress-org-y-wordpress-com
http://www.tecnologiadiaria.com/2009/07/por-que-wordpress-mejor-que-blogger.html
http://www.tecnologiadiaria.com/2008/07/diferencias-wordpress-blogger-wordpress-org.html
http://ayudawordpress.com/diferencias-entre-bloggercom-y-wordpresscom

Compártilu

Ta pa Ponga: Día de la llingua materna

2010-02-21T15:47:36+00:00

Güei, 21 de febreru, ta declaráu pola UN (Naciones Xuníes) como’l día Internacional de les Llingües Maternes.

Ye por ello, que hai que dai les gracies al Software llibre, por facer posible que podamos celebrar esi día na nuesa llingua, nos nuesos sistemes operativos LLIBRES.

Dende equí, gracies a tolos que vivís la nuesa llingua.

P.D. Si esto dependiese d’otros (que nun saben de llibertaes), diben danos bien pol culo…

Compártilu

Ta pa Ponga: Trucos pa Eslema: Toles webs n’asturianu

2010-02-21T14:24:24+00:00

Eslema ye ún de los proyeutos más prestosos n’asturianu, puede tornar testu, webs, ficheros, col motor llibre Apertium Vamos xugar un poco con Eslema y Firefox, y amosate 2 perbonos trucos pal to restolar diariu

Trucu 1 > Marcador de torna nel intre:

Criamos un marcador na barra de Ferramientes de Firefox.

Nome: Tornar
Direición: Esta llinia (ensin el 1 que ta al entamu).

Agora en cada páxina en castellanu que temos, calcamos nel marcador “Tornar” y tendremos nel intre esa páxina tornada al asturianu.

Calca equí pa ver el videu.

Trucu 2 > Toles páxines nueves n’asturianu por defeutu:

Instalamos esti complementu de Firefox.
Abrimos el menú de Firefox: Ferramientes / Complementos. Seleicionamos URL Suffix y calcamos nel so botón Options. Esto amuesa una ventana na que configuramos Alt+Enter como esto:

Preffix: Esto (ensin el 1 del entamu).
Suffix: &output=es-ast

Agora, si en Firefox introducimos una direición web (ensin http://www.), por exemplu, google.es y calcamos Alt+Enter, direutamente aparez n’asturianu

Usar OpenTrand pa los 2 trucos anteriores

OpenTrad tien 2 ventaxes sobre Eslema:

Nun amuesa’l banner.
Dalgunes webs vense mal con Eslema y bien con Opentrand.

Pa usar Opentrand usái esta direición pal trucu 1; y esti prefixu pal trucu 2 (ensin sufixu nel complementu URLSuffix).

De xuru qu’esti tema da muncho más xuegu Si tienes más idegues ponles nos comentarios.

Compártilu

Ta pa Ponga: Presentación escoyeta plataforma pa blogue

2010-02-21T10:00:05+00:00

Ufrovos la pequeña charra que fice ayer sobre les posibilidaes de plataformes pa criar un bloge nel 2ᵁ Sidra&Blogues, en formatu OpenOffice y por supuesto, embaxo llicencia llibre Creative Commons Pa baxala, calca equí.

Si quies la esplicación, esplicando cada ventaxa, vete equí

Compártilu

Ta pa Ponga: Sidra&Blogues: Esta tarde en Ciañu

2010-02-20T06:30:31+00:00

Compártilu

Ta pa Ponga: Autoinstala OpenOffice n’Ubuntu

2010-02-18T20:00:36+00:00

El siguiente ficheru facilitarate tola instalación d’OpenOffice n’Ubuntu. Automáticamente descárgate los ficheros necesarios ya instálatelos nel to PC

Pasos a siguir:

Descarga l’autoinstalador calcando equí , y apégalu nel Escritoriu.
Agora abre una terminal (menú Aplicaciones/Accesorios/Terminal)
Escribi lo siguiente (respetando les mayúscules):

cd Escritoriu

y agora escribes:

sudo bash ooo2ast.sh

(pediráte la to contraseña, y empezará a executase’l programa)

Dempués d’un bon cachu (175 Mb de descarga + instalación) yá tendrás Openoffice instaláu. Espera a que t’avise’l programa.

P’abrir OpenOffice, vete al menú Aplicaciones/Oficina y si t’aparez n’inglés, afita l’asturianu yendo al menú Tools/Options/Language Settings

Si tienes tovía problemes o cualesquier dulda, escríbenos.

Encamentámoste a usar esti ficheru d’autoinstalación n’Ubuntu 9.10. Pa la siguiente versión d’Ubuntu yá vendrá preinstaláu n’asturianu

PD: ¡Milenta gracies a Miguel Jañez pol script!

Compártilu

Ta pa Ponga: Descarga OpenOffice.org n’Asturianu

2010-02-14T13:26:14+00:00

Lo prometío ye deuda, y, como anunciábemos fai un mes, OpenOffice, acaba d’asoleyar la versión 3.2.0, que por primer vegada inclúi la Llingua Asturiana

Dempués d’un trabayu de 2 años, yá ye oficial

¡¡¡¡¡Descarga OpenOffice.org n’Asturianu pa Ubuntu, Windows, o Mac!!!!

La versión final d’OpenOffice 3.2.0 inclúi munches meyores:

Arranque más rápidu (5 segundos).
Meyor sofitu pal formatu ODF.
Sofitu pa formatos propietarios como los documentos XML protexíos por contraseña de MS Office.
Nuevos diagrames en Chart.
Xestión avanzada del copia y pega.
N’asturianu
Y abondes más…

Güei ye un día históricu pa la llingua asturiana, por fin dispón d’una suite ofimatica avanzada y llibre Incluyendo un procesador de testos, una fueya de cálculu, pa facer presentaciones, bases de datos, debuxos y esquemes y fórmules matemátiques.

Puedes baxala dende equí. ¡A esfrutala!

Gracies a tol equipu de softastur, que trabayó llibre, gratuita, ya desinteresadamente durante 2 años, pa facer esti proyeutu realidá.

Compártilu

Ta pa Ponga: Yo ♥ el Software Llibre

2010-02-14T06:00:04+00:00

Namórate equí

Compártilu

González y González: Aplicación práctica del Eslema

2010-02-13T17:03:45+00:00

Ai que contentu que toi col traductor Eslema. Depués de muncho tiempu, toi acabante de crear l’articulu de Wikipedia sobre Luis Buñuel. Nun tenía munches ganes d’escribir abondo asina que garré’l códigu de la Wikipedia castellana, peguélu nun documentu de testu, pasélu pol Eslema y, voilà!, ún de los más llargos y completos artículos de la nuestra Uiquipedia en malapenes 15 minutos. (Eso sí, tiempu dedicáu na so mayoría a repasar errores de traducción y la igua del códigu wiki que fuera necesariu). Ya se ta animando tol mundu a da-y un emburrionín a la Uiqui, qu’ultimamente anden mui solinos Bar y compañía.

Compártilu

Ta pa Ponga: Eslema. El mundu, n’asturianu

2010-02-12T17:51:44+00:00

Esti mundu nuesu, l’asturianu, ta convirtiéndose nuna fonte d’esperanzadores, y bones noticies. Lleo nes noticies de prensa l’asoleyamientu d’un traductor online al asturianu.

Toi falando de eslema , una ferramienta que permite traducir testos y páxines web a la nuesa llingua. Baxo’l lema: “Eslema. El mundu, n’asturianu” esti proyeutu fai realidá otra necesidá más de la nuesa sociedá. Y tien les mires puestes muncho más llonxe: Dende la páxina, infórmennos de la posibilidá de traducción al asturianu dende llingües como’l portugués, italianu, inglés, francés, gallegu, catalán y euskera. Namás y namenos!!

Más bones noticies nesti tema, ye la llicencia baxo la que s’espubliza CC-BY-SA El proyeutu llevóse a cau cola participación de la Universidá d’Uviéu, y la Conseyería de Cultura y llevó más d’añu y mediu el terminalu. Gracies a toos y toes los que fexeron esto posible.

Compártilu

Asturian weird foundation: Cómo presta xugar col Eslema

2010-02-12T12:09:25+00:00

Equí, xugando col Eslema… va ser coyonudu pal ‘cortipega’ nesti blogue… Equí unos exemplos:

El Catoblepas…. OWNED!!

UPyD… OWNED!!

Fundación Denaes… OWNED!!

Piensos Eloína… OWNED!!

(Calcar nes semeyes pa veles a un tamañu curiosu).

Compártilu

Ta pa Ponga: Cubu de comandos pa Ubuntu

2010-02-10T18:30:38+00:00

Vía GNOME Look tenemos un perútil cubu pa facer de papel colos comandos más usaos na terminal d’Ubuntu

Baxalu:

En formatu PDF.
En formatu SVG.

Sólo te queda recortalu, doblalu, apegalu y disfrutalu

Vía: Ubuntu Life.

Compártilu

Ta pa Ponga: Ubuntu 9.10 LiveCD n’asturianu

2010-02-08T18:05:01+00:00

¡¡Por fin tenemos un LiveCD d’Ubuntu n’asturianu!!

Problema qu’había: Ya disponemos nos CD oficiales del instalador n’asturianu, pero si arranques dende’l CD pa ver cómo ye Ubuntu, aparez too n’inglés ¿Por qué? Pues porque sólo s’incluyen les llingües más usaes por motivu d’espaciu nel CD (Si metieran les 240 llingües d’Ubuntu nun-yos cabríen otres aplicaciones).
Igua: Al tar l’instalador incluyíu dende la cabera versión, abondes utilidaes como UCK o reconstructor permiten criar la to imaxe de CD personalizada col arranque y entornu na llingua que quieras (de les disponibles nel instalador).
Ventaxa de criar un LiveCD o LiveUSB: Puedes copialu nun CD/DVD, y puedes dir a cualesquier ordenador, arrancalu col CD/DVD metíu na unidá de CD y ya tienes Ubuntu n’asturianu, ensin instalar na, y ensín camudar na nel ordenador nel que lo prebes, ¡al sacar el CD/DVD l’ordenador siguirá esautamente igual que taba!. Valte pa enseñar Ubuntu y pa prebar si nun ordenador tiraría bien con él. Tamién puedes copialu nun llápiz USB o discu duru USB. La ventaxa d’esti métodu ye qué Ubuntu arrancará mui mui rápido (casi tanto como’l discu duru), abrirás y remanarás aplicaciones nel intre y los cambeos que faigas como personalizalu, instalar programes, criar documentos ¡caltendránse nel USB! Igual que nel casu anterior, nel ordenador nun se faerá nengún cambéu
Cómo instalalu:
- En CD/DVD: Baxa la imaxe .iso y grabala en formatu “imaxe” a un CD/DVD col Nero o un grabador llibre como Infrarecorder. Solo te queda arrancar un ordenador col CD/DVD metíu.
- N‘USB: Baxa la imaxe .iso, ya instalala nun llápiz USB o discu duru USB: Dende Ubuntu ye perfácil, vete al menú Sistema/Alministración/Criar USB d’arranque. Dende Windows tamién puedes con uSbuntu. Solo te queda arrancar un ordenador col USB metíu.

Usu: Aunque la imaxe permite la instalación nel discu duru, ¡¡¡ENCAMENTAMOSTE A QUE NUN INSTALES UBUNTU CON ESTA IMAXE!!! El so únicu destín ye prebar/usar Ubuntu n’asturianu en LiveCD. ¿Por qué dicimoste esto? Porque pa garantizar la estabilidá d’Ubuntu sólo un CD fechu por Ubuntu tien esa estabilidá. Nun deriváu non oficial nun ta garantizada esa estabilidá Si quies instalar Ubuntu nel discu duru baxa de baldre un CD fechu por Ubuntu.

¿Nun arranca? Tienes que camudar l’orde d’arranque de la BIOS pa qu’arranque dende CD o USB

Cualesquier dulda o problema que tengas, avisanos nos comentarios.

Compártilu

Ta pa Ponga: Entendiendo la organización de los ficheros y carpetes

2010-02-07T07:43:47+00:00

Un perbon blogue agospiáu n’Educastur enseñanos como s’organicen los ficheros y carpetes n’Ubuntu.

Si yes nuevu n’Ubuntu, taría bien que-y eches un vistazu equí Tamién lu tienes en PDF.

Compártilu

Ta pa Ponga: Que’l códigu tea contigo

2010-02-06T06:11:48+00:00

Compártilu

Ta pa Ponga: Personalizar Grub

2010-02-05T22:15:56+00:00

Enantes d’entamar, diré qu’esti tutorial ye percenciellu de realizar, pero críticu. Al menor fallu, puedes cargate’l grub, y el sistema operativu nun arrancará.

Nún principiu, dicir que’l to grub tien que ser la versión 1.97. Si la to versión ye esa, entós yá tienes GRUB2 (ye daqué mosqueante, pero ye asina)

Si l’aspeutu del to grub ye como’l de la semeya d’arriba, entós podemos siguir.

Información previa básica: Hasta agora, editando’l ficheru grub.cfg con esti comandu:

gksu gedit /boot/grub/grub.cfg

podíemos facer coses como camudar el color del testu y el fondu:

y l’aspeutu qu’obteníemos podía ser ésti:

Pero agora trátase de personalizar un pocoñín más el grub, ñec, ñec, ñec… nesti tuto, vamos a poner un fondu de pantalla chulu. Pa ello, vamos garrar la imaxe que más nos preste, y convertila nuna imaxe 640×480 y formatu .tga . Esto fáise cenciellamente col GIMP. Yo voi facelo con 2 imáxenes: la que veis equí abaxo, llamaréla softastur.tga

y el resultáu final del nuesu GRUB va a ser ésti:

La otra imaxe que usé, llámase oficialida.tga, y el so resultáu, ésti:

Bien! Vamos al turrón!! Dende la terminal escribimos:

sudo apt-get install grub2-splashimages

El programa grub2-splashimages va a ponenos na carpeta /usr/share/images/grub unes cuantes imáxenes ente les que podemos escoyer un fondu pal nuesu Grub. Nós vamos copiar les imáxenes que ficimos ( softastur.tga y oficialida.tga ) tamién ehí, pa teneles xunto a toles otres, porque somos xente curioso. MUY IMPORTANTE: tamién vamos copiales en /usr/share/images/desktop-base (alcordáivos de facelo con permisos de root, sinón nun va a dexavos) [1]

Si yá ficimos eso, editamos el ficheru 05_debian_theme:

sudo gedit /etc/grub.d/05_debian_theme

Ehí podemos aplicar lo que yá sabemos sobro camudar los colores. Pero lo que más nos interesa ye camudar el fondu del grub, asina que vamos a la llinia que diz:

for i in {/boot/grub,/usr/share/images/desktop-base}/xxxxxxxxxx.{png,tga} ; do

Trocaremos les xxxxxxxxxx pol NOME del nuesu fondu. Namái el nome. Nun pongáis la estensión .tga. Por exemplu, quedaría d’esta miente:

for i in {/boot/grub,/usr/share/images/desktop-base}/softastur.{png,tga} ; do

Zarramos l’editor guardando los cambeos, y agora abrimos una terminal y escribimos:

sudo update-grub2

Reaniciamos el sistema, y yá tendría que salinos el nuesu grub personalizáu.

Esfrutái

[1] Tolos post que pongo, tán previamente probaos por mí. A diferencia d’otros blogs, que namás se dediquen a copiar+apegar testu ya imáxenes, yo pruebo les coses, y faigo les mios propies captures. Y ye por eso que nun vos pongo la fonte d’aú saco les coses: Primero siempres m’informo, pero por más que miré, tolos posts omiten el fechu de que hai que poner les imáxenes en /usr/share/images/desktop-base . Eso ye porque namás se llimitaron a copiase unos d’otros. Echando un güeyu a la cabera semeya, vese bien a les clares, que’l camín onde busca’l nuesu fondu ye ehí. Y por eso si lo facéis asina va a funcionavos. Los comentarios d’otros blogs tán llenos de xente que dicen: “A mí nun me funciona”… y el responsable del blog, (como nun lo probó él mesmu..), llimítase a dicí-yos que ficieron mal la imaxe 640×480 en tga. Por supuestu, nun tengo la verdá absoluta, namás vos digo cómo me funciona a mí. Lo que nun quier dicir qu’esistan otros métodos.

Compártilu

Ta pa Ponga: Trucos pa facer llixeru a Firefox

2010-02-05T18:24:32+00:00

Firefox col tiempu va acumulando una base de datos nel to ordenador con un bon garrapiellu de coses, como marcadores, hestorial, enllaces visitaos… Esto xenera cada vegada una base de datos más grande y polo tanto, más lentitú remanando webs.

Pero una de les meyores coses de Firefox ye la so personalización.

Vamos reducir el másimu de la base de datos de les webs que visitamos, allixerando Firefox: Na barra de direiciones pon: about:config y aceuta que tendrás curiáu

Agora camudaremos 4 opciones de la riestra qu’aparecen, pa ello gueta les cadenes siguientes, calca 2 vegaes sobre elles, y pon el valor nuevu:

Cadena	Valor Anterior	Valor Nuevu
Browser.history_expire_days	180	7
Browser.history_expire_days.mirror	180	7
Browser.history_expire_days_min	90	3
Browser.history_expire_sites	40000	5000

Nel mio casu, la diferencia ye mui notable al introducir nueves webs na barra de direiciones

Vía: 120%Linux.

Compártilu

Ta pa Ponga: And the winner is…

2010-02-05T05:07:41+00:00

… ¡El Xanu’l Caborniu!

Según la blogosfera n’asturianu, el meyor blogue n’asturianu del 2009 ye “El Xanu’l Caborniu”

El 2ᵁ foi “La verdá ye mentira“.

Y el 3ᵁ “González y González“.

“El Xanu’l Carboniu” tamién repitió premiu al meyor diseñu.

¡Norabona al blogue ganador! Y gracies a La Esfoyaza, TrayasgayA y González y González pol sofitu pa qu’esto fora posible. Iniciatives como esta son mui necesaries pa la nuestra llingua

Compártilu

Ta pa Ponga: Presentación de TermAst

2010-02-04T15:43:23+00:00

Güei presentóse en rueda de prensa TermAst, una web entamada pola Academia de la Llingua que recueye propuestes terminolóxiques especializaes.

Nesti proyeutu collaboren el Colexu Oficial d’Inxenieros d’Informática d’Asturies y Softastur, que trabaya al traviés del so propiu diccionariu onde van esbillando los términos que depués proponen pa integrase en TermAst.

La noticia en:

Y darréu el videu de TPA:

Calca equí pa ver el videu.

Compártilu

Ta pa Ponga: Simple-scan: Escanea documentos cenciellamente

2010-02-03T14:00:20+00:00

N’Ubuntu yá disponíemos d’un programa pa escanear denomáu Xsane. A mí prestábame abondo (y sigui prestándome), porque tenía abondos axustes pa configurar, y daba munches opciones pa facer l’escanéu al to gustu. Pero la xente d’Ubuntu decidió que na distribución oficial de Lucid, van ufrir una ferramienta d’escanéu bien cenciella, ensin complicaciones. Y llográronlo: equí tenéis Simple-scan

Na mayor parte de los blogues dedicaos a Ubuntu, yá salió esta noticia, pero la semeya taba siempre n’inglés. El grupu de traducción d’Ubuntu n’asturianu, fizo la so traducción, pero les tornes nun s’implementaron fasta fai una selmana. Ye por eso, que yá podemos enseñávoslu (que nun se diga)

La instalación de Simple-scan ye percenciella, y yá podéis probala en Launchpad.( NOTA: esto ye pa karmic; en Lucid vendrá instaláu por defeutu )

Primero, amestamos el repositoriu. Pa ello, vamos a Sistema–>Alministración—>Oríxenes del Software, y vamos a la segunda llingüeta (Otru Software). Calcamos nel botón “Amestar”, y na pantalla que s’abre, ponemos lo siguiente:

deb http://ppa.launchpad.net/robert-ancell/simple-scan/ubuntu karmic main

Zarramos y llisto. Yá tenemos el repositoriu amestáu, y llistu pa descargar el programa. (Si vos pidi la clave pública, podési sacala de equí )

Agora, vamos a Synaptic, y alcontraremos el paquete simple-scan, preparáu pa instalar. (Tamién podéis abrir la terminal y escribir: sudo apt-get install simple-scan )

NOTA: Esto ye namás pa instalar el programa que xestiona l’escaner. Faltaríavos instalar l’escaner. Como hai munchos modelos, cada instalación ye distinta. Pero podéis entrugar nos comentarios si ye que vos da guerra instalar l’escaner.)

Saludos.

Compártilu

Ta pa Ponga: Tapaponga cumple 2 años

2010-01-31T07:30:12+00:00

¡Ya llevamos con vosotros namás y na menos que 2 años!

Ye inevitable echar la vista atrás nesti caberu añu…

Un añu onde Softastur tuvo un bon emburrión gracies a que se xuntaron más persones con ganes de tornar software llibre (¿y tú? ¿apunteste? mira esti manual), consiguiendo tar ente les 25 llingües más tornaes nel mundu ¡Ehí ye nada! Y encima 4 asturianos ente los 20 traductores más activos.
L’usu d’Ubuntu españó gracies al instalador y un sistema casi (quedaba la OpenOffice) n’asturianu. Algamando la meyor versión d’Ubuntu hasta’l momentu: la 9.10.
Asoleyóse Edubuntu, pa que los escolinos puedan dar clas col ordenador
Tuvimos unos perprestosos Talleres d’Instalación d’Ubuntu n’Uviéu, Sietes, Turón, Ibias y Xixón, nos que conocimos a muncha xente y vimos la espectación y alegría nes cares cuando per primer vegada ven dalgo tan ablucante como un sistema operativu que fala la nuestra llingua.
Salimos na TV nel programa Nós.
Tornamos un manga n’asturianu.
Ñació Faiteconlinux.

Tamién ñació’l Loco Team d’Asturies.

Pudímos acurtiar los enllaces.
Conseguimos tener la OpenOffice tornada.
Demostramos les posibilidaes del deprendimientu online na llingua asturiana con Dokeos, dando un cursín d’iniación a Ubuntu.
Nun dexamos que Micro$oft-yos impusiera a los habitantes de Sietes el software privativu. Al menos que supieran les alternatives.
El CAST desanició Ubuntu de los telecentros.
Ñació Ximiélgame.
L’añu nel que’l Gobiernu quier matar la nuestra llibertá cibernética ya Internet dixo-y ¡NON! Y tamién combayó con M$ pa los portátiles de primaria.
Conseguimos la lletra ᵁ, pa que seyamos el 1ᵁ ḥeḥe.
Onde dimos y seguiremos dando la nuestra cara pola oficialidá.
Esfrutamos cola música llibre de Xera.
Dende’l 25 de febreru del 2009 tuvimos 22.012 visites, nes que’l sistema operativu GNU/Linux usólu’l 43,60% de los llectores.
Quedamos octavos como meyor blogue nel 2008.

Too esto demostrando que la llingua asturiana val pa cualisquier ámbitu Y enfotándonos en qu’algames la to llibertá informática

¡Gracies por lleenos! ¡Y siguiremos puxando muncho más!

Compártilu

Ta pa Ponga: Mozilla Weave Sync, el to restolador sincronizáu ente ordenadores

2010-01-30T15:56:34+00:00

Weave Sync ye un complementu fechu pola propia Mozilla pal restolador Firefox.

Vamos poner un exemplu: uses Firefox nel tayu y tamién nel sobremesa y portátil del to llar, y ye un coñazu tener distintos marcadores y claves en cada ordenador Con Weave Sync puedes sincronizar ente varios ordenadores los tos marcadores, preferencies, historial, contraseñes… de manera tresparente, rápida, encriptada, de bladre y cencilla. Pa quien se preocupe de la privacidá abondo, tamién puede montar el so propiu sirvidor, y direicionar esti complementu escontra él.

Yo acabo de camudar el complementu Xmarks por Weave y toi sorprendíu de la velocidá de sincronización ya integración :O

Pa instalalu, vete a la web oficial y calca en Download

Compártilu

González y González: Steve Jobs ficha por Bic…

2010-01-30T12:28:11+00:00

…y revoluciona’l mundu’l mecheru!!

Compártilu

Ta pa Ponga: DefectiveByDesing. Nueva campaña de la FSF

2010-01-29T15:25:48+00:00

La Free Software Fundation sigue lluchando dende fae décades pola nuestra llibertá na informática Nesta ocasión una campañanueva escontra’l DRM (Xestión Dixital de Restricciones) nomada DefectiveByDesing (Defectuosos por diseñu) col enfotu de desaniciar esi control d’accesu a medios dixitales.

Vía: Picando Código.

Compártilu

González y González: Con Pepe’l Ferreiro

2010-01-29T12:55:56+00:00

Poco qu’añedir a tolo que se vien diciendo (impecable Luis Arias Argüelles-Meres en LNE). Muncho se faló de cómo el poder trata a los intelectuales de so país, y esti casu ye de llibru. Porque Naveiras ye parte d’esa intelixencia asturiana incómoda pa la mediocridá, cuando inutilidá absoluta, del poder asturianu.

Paez que la resistencia a esta gochería garra puxu y nel grupu de facebook (abrióse’l sábadu y vamos pa 4.000) anuncien la creación d’una plataforma.

Compártilu

Asturian weird foundation: Treceño 4: Areces cree na vida estraterrestre

2010-01-27T01:11:20+00:00

Esti nuevu episodiu ye, de fechu, un clásicu nes entrevistes de Treceño: esti home aveza a entruga-yos a los sos invitaos sobre les sos esmoliciones ufolóxiques y estraterrestres. Areces paez que lo tien claro: too apunta a que hai vida n’otres galaxes.

Calca equí pa ver el videu.

Compártilu

Ta pa Ponga: Firefox apostará por estándares llibres con HTML5 (Google y Apple non)

2010-01-26T18:15:17+00:00

Mozilla acaba de rebelase escontra la intención de nun respetar los estándares HTML5 por parte d’Apple y Google. Vamos ver los motivos…

La causa: Apple y Google sofiten el formatu H.264 nel HTML5, lo cual permite embeber videu. Y dambos usen esi formatu nos sos restoladores (Safari y Chrome).

El problema: El formatu H.264 ye una tecnoloxía patentada que requier el pagu de tases prohibitives pa que pueda ser incluyíu nuna aplicación (5.000.000$ anuales). Aunque aceptasen pagar eses tases, enxamás cubriríen a los derivaos del restolador ni a les distribuciones Linux que lo lleven consigo. Amás, les condiciones pa obtener una llicencia d’usu podríen empeorar añu tres añu.

L’estallíu: Google adoptólu pa Youtube, sabiendo toos el poder que tien Youtube ente la xente, y que puede marcar el futuru.

La rebelión: Mozilla espublizó que nun amestará sofitu pal formatu H.264 agora nin nel futuru pal so restolador Firefox.

La solución: La solución yes TÚ. Ente toos debemos lluchar y caltener los estándares: Nun uses restoladores web d’Apple nin Google, nun visites Youtube o webs que faigan usu d’esi formatu. Ente les alternatives a los restoladores de Google y Apple tienes Firefox, Arora, Epiphany… y toos ellos n’asturianu

¿Quies más? Equí puedes lleer la esplicación oficial, y otru blogue.

Compártilu

González y González: Nin sportinguista nin asturianu…

2010-01-26T03:20:01+00:00

A cualesquier cosa llamen prensa n’esti pais…

El Comercio: “El Ferrari de Alonso ya es rojiblanco”

La Nueva España: “Alonso en rojiblanco”

Qué!: “Fernando Alonso correrá… ¡de rojiblanco!”

Y como dicen qu’una imaxe val más que mil pallabres… ehí va la nuesa…

Compártilu

Ta pa Ponga: ¿Qué vas facer esti sábadu 20 de febreru?

2010-01-22T15:55:51+00:00

Pues yo, dir a Ciañu ¡Vémonos!

Compártilu

Asturian weird foundation: Treceño 3: Areces cree que la xente confúndese n’internet

2010-01-22T01:10:13+00:00

N’esti tercer episodiu, Treceñpon n’evidencia una estratexa típica d’Areces: Treceño entruga-y polos escáneres que se-yos tien fecho a los yoguis, y el presidente respuende que la xente confunde la llibertá d’información col llibertinaxe, que too eso de les redes sociales nun val más que pa confundir a la xente, a la qu’habría d’educar pa qu’entendiera les coses como son. ¿Falará de l’Asturian Weird Foundation? ¿Pasaranos una esbilla d’enllaces que sí son de fiar?

Calca equí pa ver el videu.

Compártilu

Asturian weird foundation: Treceño 2: Areces ye más de sidra achampanao

2010-01-19T20:59:36+00:00

N’esti segundu capítulu, Treceño-y entruga a Areces poles fiestes navidiegues (la entrevista emitióse esti día de Nuechebona), y consigue una primer esclusiva: el presidente del Principáu ye más de sidra achampanao, anque dacuando tamién-y presta dar un sorbiatu al cava. Turrón, poco, y si bien les navidaes tienen matices estremaos n’América y Europa (diz el presidente), lo cierto ye que El Corte Inglés tien munchu aquél n’estes feches. El que nun lo entienda, que lu vea.

Calca equí pa ver el videu.

Compártilu

Ta pa Ponga: Apagar el monitor nun equipu ensin sirvidor gráficu.

2010-01-19T17:11:49+00:00

Resulta que tengo un portatil vieyu de sirvidor caseru pa compartir ficheros colos collacios y coses así. Nun tien entornu gráficu y alministrolo por SSH, por esto nun necesito monitor, pero claro nun puedo desenchufalu… Marquinos apurrióme la solución na llista de corréu de Softastur.

Namás que hai d’instalar el paquete vbetool, yo ficelo en Debian como root (n’Ubuntu ye igual pero poniendo “sudo” delantre de cada comandu).

Instalamos:

aptitude install vbetool

Y col comandu

vbetool dpms off

apagamos el monitor y con

vbetool dpms on

prendémoslo otra vuelta…

Esto ta mui bien pero los que somos vagos nun mos presta tener qu’escribir comandos cada vez que prendemos el ordenador, entos solucionélo faciendo un script de shell pa executalu nel arranque.

nano /etc/init.d/matarmonitor.sh

y escribimos:

#!/bin/sh
#
# description: mata’l monitor nel arranque
#

vbetool dpms off

Guardamos con “ctrl+o” y zarramos con “ctrl+x”

Damos-y permisu d’execución

chmod +x /etc/inti.d/matarmonitor.sh

y agora pa executalu nel aniciu del sisitema editamos el ficheru rc.local

nano /etc/rc.local

y siempres enriba de la llinia que diz “exit 0″ ponemos

sh /etc/init.d/matarmonitor.sh

Guardamos con “ctrl+o” y zarramos con “ctrl+x”

Así cada vez que reaniciemos el equipu tendrá’l monitor apagáu.

Compártilu

Asturian weird foundation: Entamamos la serie Treceño

2010-01-18T23:57:32+00:00

Esti home a mandrecha ye Treceño. Ye abogáu, escribe dacuando en La Nueva España y fai entrevistes mui personales en Teleavilés. Ye poseedor d’un estilu mui particular, gusta-y trufar les sos entrevistes de cites erudites, con cierta querencia pol orientalismu y la ufoloxía.

Dende güei vamos dir esfoyando la so entrevista última al presidente del Principáu, Vicente Álvarez Areces, emitía pel canal avilesín na Nuechebona última. Poco enantes de qu’el rei pronunciara’l so discursu, los avilesinos podíen ver esto, que según el cartelín del principiu, y que nun llegamos a grabar, cuenta con una subvención del Principáu.

Los que vos lo perdístis, vais poder ver equí los meyores momentos. Sólo Treceño diba ser capaz de facer dicir a Areces lo que vais ver esti mes.

Calca equí pa ver el videu.

Compártilu

Ta pa Ponga: Dí-y a Ubuntu qué aplicaciones te prestaría incluyir…

2010-01-18T17:17:46+00:00

La llibertá y el saber escuchar son coses a agradecer nuna distribución tán bona como Ubuntu.

A Ubuntu prestaría-y saber qué pienses tocante a la inclusión/non inclusión de dalgunes aplicaciones. Ye por eso, qu’habiliten un cuestionariu, pa que, si tienes unos segundinos, dexes ehí la to opinión.

El formulariu tiéneslu en: http://www.surveymonkey.com/s/GFVQP62

Visto en: OMG

Compártilu

Ta pa Ponga: Instalar Gnome-do en Karmic

2010-01-17T21:37:13+00:00

Güei vamos ver lo cenciello que ye disponer d’esti llanzador d’aplicaciones, que cunta con un estilu “docky”. Nun va facenos falta tener Compiz instaláu. (si lu tenéis, meyor). L’aspeutu final del nuesu llanzador, va a ser ésti:

Vamos a ello. Abrimos una terminal, y escribimos lo siguiente:

sudo add-apt-repository ppa:do-core

sudo aptitude update

sudo aptitude install gnome-do

Dende esti momentu, n’Aplicaciones–>Accesorios , yá podríemos executar Gnome-Do. (pero entá nun vamos facelo). Les posibilidaes son munchísimes, pero equí vamos ver cómo instalar el llanzador tipu Dock. Pa ello, fáinos falta habilitar Compositing de Metacity. ( Nota: Si tienes instaláu Compiz, podrás saltate estos pasos d’activar Compositing )

P’activar Compositing, calcamos les tecles Alt+F2 y escribimos gconf-editor.

Dámos-y al botón de Executar, y abrirásenos l’editor de configuraciones. Vamos al camín apps–>metacity–>general , activamos la caxella compositing_manager y zarramos la ventana.

Yá tenemos compositing, y vamos a executar Gnome-do . Vamos a Aplicaciones–>Accesorios–>Gnome-Do apaecerá esta pantalla, y calcamos na flechina que vos marco (na imaxe) en color bermeyu, y escoyemos Preferences

Agora vamos a la llingüeta “Appearance“, y escoyemos na llista la opción “Docky”

Yá ta! Qu’esfrutéis

Compártilu

Ta pa Ponga: Ver videos de Youtube con Totem

2010-01-14T16:52:18+00:00

Nun hai muncho que dicir tocante a Youtube, tol mundu tien visitao el sitiu web de videos más afamáu de la rede. La “pega” de Youtube, ye que’l sitiu tien más publicidá que la camiseta d’un pilotu de rallies. Si quies evitate toa esta publicidá, puedes facelo, usando Totem.

Nel panel allugáu a mandrecha, estenderexa la llista d’arriba, y esbilla “Youtube“. Agora, namás tienes qu’escribir na caxa de gueta, el términu que quies alcontrar. Bien cenciello, eh?

Déxovos con una captura del trailer de Harry Potter con subt. n’asturianu.

Compártilu

Ta pa Ponga: Cursu de redes d’área llocal en Linux

2010-01-14T15:21:24+00:00

Restolando pela rede, aporté a una páxina que pertenez al Ministeriu d’Educación, au s’ufre un Cursu de redes d’área llocal en Linux. Namás-y eché un güeyu perenriba, pero tien bona pinta.

Puede descargase en PDF (son 16 capítulos = 16 PDF’s). Como ye un coñazu descargalos de ún en ún, fícevos la xera más cenciella, y tenéislos equí toos nesti ficheru comprimíu

Que vos preste.

Compártilu

Ubuntu N'ASTurianu: ¡Nun escaezas visitar Softastur!

Marquinos — 2010-01-13T08:30:50+00:00

Si Ubuntu ta n'asturianu ye gracies al trabayu de baldre de Softastur.
Visita http://softastur.org pa saber tolos proyeutos de software llibre que tan tornaos al asturianu ;)

Asturian weird foundation: Yá voté

2010-01-11T20:22:40+00:00

A qué esperáis el restu? Ya tais calcando equí o mandando un corréu.

Compártilu

González y González: Pa Xune y Xavi Vilareyo, con ciñu

2010-01-11T13:30:18+00:00

Calca equí pa ver el videu.

Post inspiráu por CarlosXBlanco y les ‘cibercloaques‘. Faigamos el humor, porfa.

Compártilu

Ta pa Ponga: Guía básica d’insurrección escontra la normativa pa pesllar webs n’España

2010-01-11T09:42:54+00:00

Esti pasáu vienres 8 de Xineru del 2010 (remembra-y la fecha pa cuando les cuntemos a los nietos), aprobó’l Gobiernu d’España, nel primer Conseyu de Ministros el SO paquete de medíes para pesllar webs de baxaes, medíes que se escapen completamente de toa lóxica. ¿Y en qué va a consistir? El procesu será tal qu’asina:

Los propietarios de drechos d’autor (particulares o entidaes) denunciarán ante una Comisión de Propiedá Intelectual a aquellos sitios que supuestamente violen drechos d’autor. Dicha Comisión decidirá si infrinxen o non drechos de propiedá intelectual pa, nos casos afirmativos, comunicá-ylo a los responsables de les webs. Nesti puntu abrese un plazu d’alegaciones pa dichos responsables tres del cual si la comisión alministrativa entiende que son insuficientes, ordenase la retirada del material protexíu. Finalmente si les presuntes infracciones persisten, solicitarán autorización ante la Sala de lo Contencioso-Alministrativo de l’Audiencia Nacional pa bloquiar o pesllar la web que toque, la Sala tendrá que resolver nun másimu de cuatro díes. Recibida l’autorización, la Comisión de Propiedad Intelectual faerá efectiva la medida del peslle de la web.

Too esto nun ye más qu’un galimatías alministrativu y xurídicu con un únicu oxetivu: blindar, más tovía, una industria cultural totalmente obsoleta que nun ye capaz a sustentar el so arcaicu modelu de negociu.

Pero tamos a tiempu d’intentar frenar esta babayada, la normativa aún tien que pasar pol Parlamentu y pol Senáu y además el Gobiernu tamién necesita camudar varies lleis más si quier ponela en funcionamientu. Ye necesario pues dar a entender al restu de fuerces polítiques y ciudadanía ante lo que realmente tamos y pa eso ta esta pequeña “Guía básica d’insurrección escontra la normativa del Gobiernu d’España pa pesllar webs”:

Guía básica d’insurrección escontra la normativa pa pesllar webs n’España:

La nueva normativa carez de xacíu. La Xusticia española ya cunta a día de güei con ferramientes suficientes pa lluchar escontra los que salten drechos de propiedá intelectual. Que siempre resuelva escontra de la industria nun ye culpa de naide y menos de los ciudadanos.
El poder executivo intenta trespasar competencies que son propies del xudicial y con ello dinamita un de los pilares fundamentales de cualisquier democracia que ye la separación de poderes.
Se-y da rangu de drechu fundamental a la propiedá intelectual, dalgo que debería ser dilucidáu con mucha más calma y por varios estamentos y nun solamente pol executivu.
Si la normativa s’aprueba, supondrá un agraviu comparativu con otros sectores industriales y los propios ciudadanos. ¿Por qué la industria cultural tien que tener “xuicios rápidos” y el restu non? Pongovos un gráficu bien claru:

Va a cargar más trabayu a l’Audiencia Nacional, tribunal escepcional que s’ocupa de los casos más graves, como por exemplu los rellacionaos con terrorismu o corrupción.
Los ciudadanos nun somos los culpables de qu’un sector té muriendose pol avance teunolóxicu. Pasó lo mesmo n’innumerables ocasiones a lo llargo de la hestoria y en nenguna s’impulsó la so supervivencia a base de lleis.
Quien decidirá en primer instancia si hai o non infracción será una comisión alministrativa, non un xuez.
Los xueces pasarán per enriba del asuntu, nun decidirán si determinada web vulneró drechos de propiedá intelectual.
El procesu puede usase escontra cualisquier sitiu de la rede que los demandantes consideren te violando drechos de propiedá intelectual, aunque’l Gobiernu asegure que solamente s’usará escontra “non más de 100 webs”.
L’intercambio de fichero o enllaces en sitios pa facilitar l’intercambiu de los mesmos nun ye delitu n’España. La llei ta dando por supuesto que lo anterior ye un delitu al afitar una comisión pa investigalo.
La normativa choca o vulnera varios artículos de la Constitución (20, 24.2).
Nun ye de recibu que pa llevar la nueva norma alantre, el Gobiernu tenga que camudar na más y na menos que cuatro lleis, una d’elles la Llei Orgánica del Poder Xudicial.

Acciones escontra la normativa y el procesu:

Si tienes accesu a medios tradicionales distribuye n’ellos los argumentos citaos anteriormente.
Dexa patente la to disconformidá cola normativa na to cuenta d’Identi.ca, Twitter, Facebook o cualquier otru sitiu social.
Distribui los argumentos equí espuestos (u otros), nel to blogue o web.
Pide-y al restu de fuerces polítiques del país que voten negativamente escontra toa medida rellacionada cola nueva normativa (vía Twitter por ejemplo: @unidá, @iunida, @eaj__pnv, @ciu, @ppopular, etc).
Anicia cualisquier otra aición de llucha que se te ocurra y sofita les que conozas.
Contribui a centralizar les quexes en determinaos canales (si ya esiste un grupu en Facebook de protesta, nun crees otru, xúnete a esi)
Menea, retwittea y copia…

Y poco más qu’amestar. Ye’l momentu de que nós, los ciudadanos, actuemos. La rede nos otorga un poder de presión tremendu, como ya vimos con el #manifestu el cual demostró que la llínia ente la vida real ya Internet ta frayada.

Tocános.

Tornao y adaptao de Alt1040.

{Esto llicenciase güei más que nunca embaxo Creative Commons (CC)} (Y como’l restu del blogue )

Compártilu

Ta pa Ponga: ¿Tienes un blogue n’asturianu?… pide la to cuenta en Ximiélgame

2010-01-10T09:00:50+00:00

Aprovechando les votaciones a meyor blogue n’asturianu ábrense les primer invitaciones pa prebar la primer rede social n’asturianu: Ximiélgame.

Inda ta en desendolcu polo que ta camudando a cada poco, l’aida de los usuarios ye fundamental pa la meyora del sistema.

¿Cómo puedes solicitar la cuenta? Si tienes un blogue n’asturianu y yá votaste pol meyor blogue 2009 namás que tienes de rellenar esti formulariu pa pedir la to cuenta en Ximiélgame. Comprobaráse si los datos que nos apurres concasen y recibirás un corréu cola confirmación. Namás que darase una cuenta por blogue y deberá tar llistáu como “Blogues que yá votaron” en http://www.votalmeyorblogue.webcindario.com/

Compártilu

Ta pa Ponga: Ubuntu pa cristianos, musulmanes, budistes, xudíos… y satánicos

2010-01-09T20:28:55+00:00

Bono, anguaño facer una distro d’Ubuntu ye tán cenciello que puedes facelo en media tarde. Namás se necesita tener unos fondos de pantalla guapos, escoyer unos iconos, una presentación, y hala! yá tienes la to propia distribución pa pasar a los tos collacios. Tantu ye asina, que hai “distros” pa toos. Descubro con gran sospresa una “distro” pa musulmanes. ( www.ubuntume.com ) La pantalla de login ye mui chula, la verdá:

Esta “distro” contién aplicaciones que t’indiquen el tiempu d’oración, una ferramienta d’estudiu del Corán, y una ferramienta de peñera de conteníos web, (que supongo que serán de carauter ofensivu pa la relixón musulmana.)

Pongo “distro”, entecominao, por dicir dalgo…….. porque pa mí, la discusión vien a la hora de decidir qué ye una distribución. La verdá ye que camudar colores y fondos d’escritoriu nun ye dalgo que mereza l’apelativu de “distribución”… Pa eso hai que dar sofitu téunicu, crear les tos propies aplicaciones, innovar, crear, remanar los drivers con repositorios propios, y non sólo maquillar un Ubuntu. Pero bono, la llibertá qu’ufre Ubuntu ye tala, que permítilo too, y el gustu ta na variedá

Equí tenemos la “distro” versión Cristiana: ( http://ubuntuce.com/ )

… Feísima a más nun poder. Nun sé, pero a mí paezme que ganaba más con un fondu de Pelayo allanciándo-yos pedraes a los soldaos de Munuza, o con Templarios pel Desiertu, o con un fondu de pantalla d’una de les batalles escontra Al-Nāsir Salāh ad-Dīn Yūsuf ibn Ayyūb (tamién conocíu como Saladín… ). Pero bono, ellos sabrán.

Ensin dubies, visto lo visto, la que más me presta ye la “distro” SATÁNICA.. ñec, ñec, ñec, .. “Andái de día, que la nueche ye mía“:

… como reza nel so slogan, ye “Linux pa los malditos”.

Cáenme bien éstos. Tuvieron problemes con Canonical un tiempu por culpa del usu y merchandising que facíen col nome Ubuntu dende la so web, pero Jono Bacon, dixo que res de res, que sin problemes, que tiraren p’alantre. Nun m’estraña, tienen meyor gustu que’l restu, y cúrrense los dibuxos de la so “distro”, más que los demás:

¿eh? qué vos paez? Esta xente de xuru que trabayó faciendo los escenarios de MORDOR en “El Señor de los Aniellos”

Definitivamente, voi probala. Esta ye la so Páxina oficial

…y paezme que voi facer una distro pa los qu’entá resistimos al españolismu. Esos sí que tienen güevos.

Pel momentu Séi bonos.

NOTES:

* Esiste tamién una versión pa budistes, que tien ciertu desendolcu / agospiada en Launchpad. Enllaz: https://launchpad.net/buduntu Podéis vela funcionando, equí (merez la pena)

* Paez ser que pela rede circula tamién la “noticia” de que hai una distro pa xudíos. Yo nun sé si ye verdá, porque nun la probé (nun tengo tiempu nin ganes pa descargala) y porque paez que hai otra páxina que desdiz a la primera. La qu’afirma qu’esiste la versión pa xudíos, ye ésta http://www.jewbuntu.com/

Pero hai otra páxina que diz que ye too una engañifa, y que ye un “what if”, que traduciríemos como: ¿y qué si…? La páxina en custión ye esta . Hala! probáisla si queréis y escribíslo nos comentarios.

* Hai otra “distro” con carauter Cristianu. Ye Ichthux http://www.ichthux.com/ pero nun se la diferencia cola otra… Bono, sí: Usa KDE

Compártilu

Ta pa Ponga: Usar Empathy n’Ubuntu con Google Apps y restu d’Apps capaes

2010-01-08T14:30:16+00:00

Si tienes un dominiu propiu puedes usar Gmail con esi dominiu, ye dicir, tienes un dominiu softastur.org, y siguiendo estos pasos, tendríes una cuenta de Gmail, pero en llugar de nomatu@gmail.com sería nomatu@softastur.org

¿Lo bono? Tola potencia de Gmail. ¿Lo malo? Tienes Gmail, Gtalk, Calendariu, Documentos y Sites; pero nun tienes nin Google Reader, ni Google Analytics, ni tol restu d’aplicaciones d’una cuenta de Google, ni puedes coneutar por defeutu a clientes como Empathy o Pidgin. ¡Vamos pone-y igua!

Configurar Empathy pa usar Google Apps col to dominiu: Simplemente amestamos/editamos la cuenta como vemos na imaxe, y ya podremos disfrutar de la nuestra cuenta Gtalk col nuestru dominiu nesi cliente llibre

Amestar restu d’aplicaciones de Google: El trucu ye criar otra cuenta de Google poniendo nel primer campu’l nuestru email de nomatu@softastur.org. Con esto engañamosnos a nos mesmos y tendremos toles aplicaciones d’una cuenta normal de Google. ¿Por qué digo que nos engañamos? Porque pal corréu electrónicu, pa Gtalk, pal calendariu y pa los documentos usaremos la cuenta nomatu@softastur.org del nuestru dominiu, pero al calcar nun enllaz de Google Reader, de Google Wave, de Google Analytics, etc, al nun habelo na cuenta de nomatu@softastur.org, entrará automáticamente na nueva cuenta, engañando a la vista

Compártilu

Ta pa Ponga: Cómo saltar un proxy con SSH

2010-01-02T17:04:11+00:00

A munches empreses y dalgunos gobiernos como el chinu , l’australianu o l’iraní, nun-yos gusta que los sos subditos puedan comunicase llibremente “nun vaya ser que nos pongan a parir nel twitter”. Y la solución qu’encuentren ye poner un proxy pa torgar l’accesu a determinaes páxines “non prestoses”.

Si trabayes nuna empresa onde tienes internet pero les páxines goches nun tiren, o nun puedes entrar nel twitter pa ver si’l vecín del quintu yá tomó’l café , yá sabes que de que toi falando. Con esti artículu trato d’esplicar lo más rápidamente posible como saltanos esi proxy usando el ordenador nuestru de casa.

Qué necesites:

Accesu a internet dende casa
Un ordenador con un sistema operativu (de los que funcionen, yo uso Debian pero val igual pa Ubuntu)
Un llápiz usb (nun ye imprescindible)

Cuido que a estes altures yá sabes instalar Ubuntu o Debian nel to equipu, sinon dexa de lleer de secute porque mal vamos…

Lo primero ye instalar SSH:

$ sudo aptitude install ssh

Y pa configuralo editaremos el ficheru /etc/ssh/sshd_config

$ sudo gedit /etc/ssh/sshd_config

Dientru d’esti ficheru hai dellos parámetros y tamien documentos, podemos cambiar el puertu pol que va escuchar el sirvidor ssh, si queremos coneutar usando claves públiques o por login, etc…

Cuando tengamos too configuráu como queremos, reaniciamos el serviciu:

/etc/init.d/ssh restart

Depués d’esto tenemos que dar pasu dende’l router al equipu por el puertu que nos interese, pa esto necesitamos dar una ip fixa dientru la nuesa rede llocal y asigna-y el puertu que configuremos nel ssh… esto depende del router que tengas, sicasí de xuru que yá lo ficisti pal amule o el torrent…

Si el to proveedor d’internet úfrete ip fixa, yá tienes el equipu preparáu, pero si yé dinámica necesites usar dalgún serviciu de dns dinámicu como no-ip.com o dyndns.com. Faes una cuenta y instales el software que t’ufren p’anovar automáticamente la ip, dalgunos routers-modem ADSL incluin soporte pa estos servicios polo que nun tendrás más que configuralu y aforres d’instalar nada.

Yá tienes el to ordenador configuráu (y prendíu), y el router configuráu… vamos a la rede torgada…

Por supuestu, alguien que tien una solución tan xenial como un proxy, usa Winbugs como no podía ser d’otra forma… entos vamos baxar dos programes PuTTY y Firefox, lo ideal ye baxar les versiones “portables” pa instalales nun llápiz usb y nun tocar les configuraciones de los equipos (amás de nun dexar rastru). PuTTY portable y Firefox portable.

En acabando d’instalaos, arrancamos PuTTy y onde diz “Host Name” ponemos la nuesa ip pública o el subdominiu dinámicu, y onde diz “Port” el puertu que configuremos pal SSH. Depués vamos a “Tunnels” na estaya “SSH” qu’apaez a manzorga, amestamos el puertu onde diz “Source port” y lo marcamos como “Auto” y “Dynamic” calcamos “Add” y coneutamos.

Agora abrimos el Firefox y vamos a “Editar>Preferencies>Avanzáu” y dientru de la llingüeta “Rede” na estaya “Conexón” calcamos “Configuración”, abrirános otra ventana y marcamos “Configuración manual del proxy” nel caxellu “Sirvidor SOCKS” ponemos “localhost” y en puertu el del SSH (los demás caxellos queden ermos). Calcamos en “Aceutar” y “Zarrar” y fechu… yá tendrás accesu a les páxines torgaes.

Lo que tamos faciendo ye un “tunel” col equipu que tenemos en casa y usando la conexón a internet de casa pa restolar.

Compártilu

González y González: Nós yá votamos…

2010-01-01T20:47:04+00:00

Calca equí pa ver el videu.

Compártilu